في غيبتك كل الملا عندي اغراب ....ما أحدٍ أبي قربه .. ولا أحدٍ يبيــني

لا تجرحيني .. جرحك العام ما طاب
داوي بحنانك ما مضى .. واجرحيني

ياللي حنانك نظرة بين الأهداب
ردي علي بعض العزا .. ناظرينــي

خافي على قلبٍ يحبك إلى ذاب
ذاب الهوى في خفقته .. والحنــــيني

لولاك ما زار القمر ليل الأحباب
ولا لوحت شمس المحبه جبـــيني

ولولاك .. ما يلفي على الدّار غياب
ولا تبكي اللي فارق الدار عينـــي

في غيبتك كل الملا عندي اغراب
ما أحدٍ أبي قربه .. ولا أحدٍ يبيــني

لا ياغلا كل القرابه والأصحاب
ضاع العدل في الناس لو تظـــــلميني


كلمات الامير / بدر بن عبدالمحسن